სამართლებრივი ინფორმაცია
თანხის დაბრუნების პოლიტიკა
ბოლო განახლება: 2026 წლის 27 ოქტომბერი
ეს პოლიტიკა ვრცელდება vinly.ge-ზე შეძენილ ციფრულ სერვისებზე: პაკეტებზე (Starter, Standard, Pro, Enterprise), ერთჯერად შეფასებასა და ავტომობილის ისტორიის ერთჯერად შემოწმებაზე. სერვისს გთავაზობთ შპს „სინტაქს ჰაბი“ (საიდენტიფიკაციო კოდი 400461727).
ჩვენი სერვისი ციფრულია და მისი მიწოდება გადახდის დადასტურებისთანავე იწყება, ამიტომ თანხის დაბრუნება ქვემოთ აღწერილი წესით ხდება.
1. როდის ბრუნდება თანხა
- ბარათიდან თანხა ჩამოგეჭრათ, მაგრამ პაკეტი ან კრედიტი 3 სამუშაო დღეში არ ჩაგერიცხათ და ჩვენ ამის გამოსწორება ვერ შევძელით;
- ერთი და იგივე შეკვეთის საფასური ორჯერ გადაიხადეთ, ან შეკვეთის ღირებულებაზე მეტი ჩარიცხეთ. ამ შემთხვევაში ზედმეტ თანხას დაგიბრუნებთ;
- პაკეტი შეიძინეთ, მაგრამ შეძენიდან 14 დღის განმავლობაში არცერთი კრედიტი არ გამოგიყენებიათ;
- ერთჯერადი შემოწმება ჩვენი მხრიდან ტექნიკური ხარვეზის გამო ვერ შესრულდა და მისი ხელახლა შესრულება შეუძლებელია;
- ფასიანი სერვისი ჩვენი ბრალით ხანგრძლივად მიუწვდომელი იყო და სერვისი ვერ მიიღეთ.
2. კრედიტის აღდგენა
თუ შეფასება ან შემოწმება ჩვენი ტექნიკური ხარვეზის გამო ვერ მომზადდა, ან რეპორტი აშკარად სხვა ავტომობილს ან ლოტს ეხება, ჩამოჭრილ კრედიტს აღგიდგენთ. შემოწმებას შეგიძლიათ ხელახლა, დამატებითი საფასურის გარეშე გაუშვათ.
3. როდის არ ბრუნდება თანხა
- გამოყენებულ კრედიტზე: როცა შეფასება ან შემოწმება წარმატებით მომზადდა, სერვისი სრულად მოწოდებულად ითვლება;
- ნაწილობრივ გამოყენებულ პაკეტზე და თვის ბოლოს გამოუყენებელ კრედიტებზე;
- როცა არ ეთანხმებით შეფასების შედეგს ან ავტომობილის ისტორიის შინაარსს. შეფასება თავისი ბუნებით სავარაუდოა;
- როცა თავად შეიყვანეთ არასწორი VIN კოდი ან ლოტის ნომერი;
- აუქციონის შედეგზე: წაგებულ ფსონზე, ფასის ცვლილებაზე ან ავტომობილის მდგომარეობაზე;
- როცა ანგარიში წესებისა და პირობების დარღვევის გამო დაიბლოკა;
- მესამე მხარისთვის (აუქციონისთვის, გადამზიდავისთვის, პარტნიორისთვის) გადახდილ თანხებზე. მათ საკუთარი პირობები აქვთ.
4. როგორ მოითხოვოთ თანხის დაბრუნება
მოგვწერეთ ელფოსტაზე [email protected] და მიუთითეთ:
- შეკვეთის ID;
- ანგარიშზე მითითებული ელფოსტა ან ტელეფონის ნომერი;
- მოთხოვნის მიზეზი;
- გადახდის თარიღი და თანხა (სასურველია, ბანკის ამონაწერის ან SMS-ის სქრინი).
მოთხოვნა რაც შეიძლება მალე გამოგვიგზავნეთ, სასურველია გადახდიდან 14 დღის განმავლობაში.
5. ვადები და დაბრუნების წესი
- მოთხოვნას განვიხილავთ და პასუხს 5 სამუშაო დღის განმავლობაში გაცნობებთ;
- დამტკიცების შემთხვევაში თანხის დაბრუნებას 10 სამუშაო დღის განმავლობაში დავიწყებთ იმავე ბარათზე, რომლითაც გადახდა განხორციელდა. ბარათზე ასახვის ვადა დამოკიდებულია ბარათის გამომშვებ ბანკზე;
- ბანკის მიერ თანხის ასახვის დრო შეიძლება განსხვავდებოდეს;
- თანხის დაბრუნებისთანავე შესაბამისი პაკეტი ან კრედიტი ანგარიშიდან მოიხსნება.
6. მომხმარებლის უფლებები
ეს პოლიტიკა არ ზღუდავს თქვენს უფლებებს, რომლებიც „მომხმარებლის უფლებების დაცვის შესახებ“ საქართველოს კანონით და სხვა მოქმედი კანონმდებლობით არის გათვალისწინებული.
7. კონტაქტი
თანხის დაბრუნებასთან დაკავშირებული კითხვებით მოგვწერეთ ელფოსტაზე: [email protected]. შპს „სინტაქს ჰაბი“ (საიდენტიფიკაციო კოდი 400461727).